Menneskelege ressursar
Berekraftig utvikling har også ei sosial side. Sosial berekraft handlar om at alle menneske skal ha like sjansar til helse, livskvalitet og eit inkluderande arbeidsliv.
Arbeidskrafta er Noregs viktigaste ressurs. NHO anslår i perspektivmeldinga for Næringslivet 2018, verdien av vår framtidige arbeidsinnsats til om lag tre firedelar av nasjonalformuen. Det er difor avgjerande at me forvaltar arbeidskrafta rett.* Av ulike grunner er det fleire som fell utanfor arbeidslivet. Denne trenden er aukande mellom anna som følgje av produktivitetskrav. Me finn med andre ord eit stort uutnytta potensiale i dette utanforskapet som me ikkje har råd til å la stå ubrukt.
Ved sidan av at arbeidslivet gjev meining og tilhøyrsle til den enkelte, er me som samfunn også avhengig av mangfald om me skal evne å omstille oss.
På vegen til ein sirkulær økonomi vil gamle yrker få oppreising då det oppstår eit stort behov for vedlikehald og reparasjon i tillegg til utleigetenester med meir. Slike arbeidsplassar vil eigne seg godt for sosialt entreprenørskap. Ved utvikling av nye nettverk på tvers av fagfelt og forretningsmodeller kan ein samarbeide på nye måtar. Gjennom erfaringsbasert kunnskap, praktiske erfaringar og eigne nettverk vil ein kunne ha fortrinn framfor tradisjonelle offentlege løysingar.*
* Sirkulær framtid – om skiftet frå lineær til sirkulær økonomi (Framtiden i våre hender, Ebba Boye)
Frå “Klimabrølet” på Voss, seinsommaren 2019.
Miljøsmidjo vil gjennom utviklingssamarbeid og mobilisering av lokale ressursar søkje å finne kreative løysingar til nytte og glede for lokalsamfunnet. Me vil samarbeide med institusjonar som Kveik, Flyktningetenesta, NAV, akademia og fleire om prosjekt der ein kan tilby arbeidstrening, hospitering og anna.
Har du idear til eit prosjekt vil me gjerne høyre frå deg!